كبة بالبندورة ( كبة خضرة)
أكلة شعبية من التراث المصيافي
_المقادير:
١_كيلو برغل ناعم
٢_كيلو بندورة حمراء
٣_ بصل عدد ٢ مفروم ناعم
٤_جرزة بقدونس ناعم
٥_ ربع باقة نعنع ناعمة
٦_ملعقتين زبدة.
_طريقة التحضير:
نقشّر البندورة ونقطّعها مربعات صغيرة
و نضعها على البرغل، ونفرك بها البرغل قليلآ ونتركها لمدة ساعة ونصف حتى يصبح البرغل طرياً من مرقة البندورة( ماء البندورة )، نقوم بقلي البصل بالزبده حتى يذبل و يصبح ذهبي اللّون، ونضيفه على البرغل، ونقوم بفرك البرغل باليد حتى يتماسك جيدآ مع إضافة الملح حسب الرغبة، ثمّ نضيف البقدونس والنعناع.
ونشكّل القطع حسب الرّغبة
كما في الصورة
تقدّم مع زيت زيتون و دبس الفليفلة مضاف إليه الثوم
وصحتين وعافية.
