قراص العباس:
١_٣ كيلو طحين منخول
٢_ كيلو حليب
٣_كيلو وربع سكر
٤_نص كيلو سمنة يفضل حيوانية مع باكيت زبدة
٥_ثلا ث ملاعق كبيرة ممسوحة خميرة اسمها أمونياك او نشادر
٦_ ظرفين خميرة فورية
٧_معلقتين بكمبودر
٨_ثلاث ملاعق محلب مطحون مليانين لإنو بيعطي نكهة طيبة
٩_ملعقة عصفر أو زعفران
١٠_ نص كأس لبن.
١١_نص كأس زيت.
الطريقة:
ننخل الطّحين ونضع فوقه الخمائر والعصفر.
نذوب السكّر بالحليب ع البارد ممنوع يكون سخن مشان ماتمط العجينة والسمنة والزبدة المذابةواللبن والزيت
ونبدأ نضع السائل ع الطّحين ونحرك ونلم العجينة لحتى تنتهي الكمية إذا كانت طريّة شوي عادي لإنو بدها وقت تتخمر وتنترك فيك من الليل لتاني يوم منغطيها بنايلون و منحطها بمكان دافي أو نلفها بحرام رقيق إذا كان الجو بارد
عند الشغل نقطع كل الكمية بتنشف معك شوي وعند الطبع ادهني سمنة بالقالب
والشوي من فوق وتحت سوا
وصحتين وهنا
